maitasun likidoaren garaiak

(merke-zurrean erositako ideia)

lurrean topatu heroina fardel bat dira

nartzisistontzat — tanatos gehiegi

erosen eskasiaren aroan —

badakink gerra eta krisia eta —

eskaria egina zagonk baina batek

jakin noiz helduko

zer da sarearen kontrakoa zer

mizelioaren aurkakoa zer

errizomarena —

bada hortxe pausatzen gara

negu eternalean hibernatzen

gaindosi honek ez gaitu

akabatzen — urdinago ximelago

meharrago uzten gaitu

nahi aseezinez mukuru

eros gehiegi tanatosen

espero geldoan