GRABITATEA III:
DENBORA I

zenbat dira mundua leitzeko erak?

Borgesek amestu baino ezin izan

zuena Su Huik egin zuen

umetan ezkerretik eskumara eta goitik

behera bizitzera baldintzatu gintuzten

eta ezkertiarren ingurraztiak eta

eskuak beti zeuden zikin

Demiurgo merkeak, hiru eguneko sukarraldiaren

buruan, itsaso geldoari begira xuxurlatu zuen

a  b  r  a  k  a  d  a  b  r  a

a  b  r  a  k  a  d  a  b  r

a  b  r  a  k  a  d  a  b

a  b  r  a  k  a  d  a

a  b  r  a  k  a  d

a  b  r  a  k  a

a  b  r  a  k

a  b  r  a

a  b  r

a  b

a

eta uren tenperatura 99ºC izan zen

gure aurrekoek amestu baino ezin izan zutena

guri dagokigu: urak irakiten jartzea

gradu bat sortzeko zenbat era irudika ditzakegu?