ametsak burmuinaren zaborrontzia

dira eta lehen oiloa arrautza

batetik sortu zen

kausalitatearen katea atzekoz

aurrera marrazten duenak pentsatuko

du keak sortzen duela sua

erruduna nintzen mea

culpa ahoskatu aurretik?

debekatutako ekintzek hil egiten dute —

hil egiten dute eta debekatuta daude eta debekatuak

daudelako dute hiltzen —

debekuak eman die hiltzeko gaitasuna

ez alderantziz

ez dago kerik surik gabe

arrautzarik gabe ez dago oilorik

kulpak gauzatzen

gaitu eta errudun sortzen