ez dakit zein den galdera

baina erantzuna ez zara zu

gutun azalaren barnean bidal litezke

larruzko sokak kutxa hutsak eta

soinu mapak

eta ez du axola buztana jaten duen

sugea bat den edo diren bi

galdera zein den ez dakit

maitasuna ez da erantzuna baina

eta saia gaitezke ate idorretan

musuak gordetzen

tarota leitzen

azalean sinbolo paganoak

brodatzen

saia gintezke argia konbokatzen

balkoi zikinetan

baina auskalo galdera zein den

galderarik badago

eta balego

ni ez nintzateke erantzuna