ITSASOA HEMEN AMAITZEN DA

aurrenekoz ukitu zintudan

egunaren gauean ekaitza

izan genuen — nik bezperatik

nuen ezinegona — eguraldia

hezurretan aurresenti dezakeen

laborari zaharrak bezala

gau horretan hasi eta bi astez

luzatu zen

itsasoa hemen hasten da dioten

estoldetan behera joan

ziren hurrengo egunetan hiriaren

lorratz guztiak — tartean

gure pauso urriak —

aditzen hiru denborak batu

beharrean bestelakotu zituzten

gure pauso urriak horiek