Cervantesek Pierre Menardi lapurtu

zion Kixote — ez duzu ulertzen? urrun

geratu ziren Euklides eta Newton — denbora

lineala dela eta gezi bat nola

                                             ------>  aurrera

doala pentsatzen duzu — eta horrela

pentsatzen duzulako zauzka gatibu

originaltasunak — horrexegatik iruditu

zaizu liburu honetako poema

batzuek jada leitu dituzun beste

batzuen oihartzuna dakarkizutela, urliak

eta sandiak idatzitakoen antza

duela figura honek, molde

horrek, hango metaforak

errukarri —

geziaren zuzentasuna abandonatu

dugunok argi dakusagu nire erreferentetzat

hartu dituzun horiek niri jarraituta

idatziko dutela egunen batean eta zuk

iragan deitzen duzun etortzeke dagoen une

horretan publikatuko