Maite duzun hori zara,

ez maite zaituena.

Donald Kaufman

inork ez du maitatua izan

nahi — besteen maitasuna

barnean hedatzen den urmael

itoa zaie, nahi beste ate

irekita ere husten ez dena

maitatzearen beldur

garela diote arazotik gertuegi

dauden gizarte ikertzaileek —

ez dute ulertzen maite

dugunak egiten gaituela nor eta

oraindik orain maitemintzea

dela bizirik sentitzeko biderik

errazena askorentzat — hemen

eta orain zinez zilegi den

sentitzeko modu

bakarra — gain egingo

dien uholde bat dutela gurari

egiazkoena — besteen maitasuna

zorrak pilatzea balitz bezala