Paziente bat izan nuen behin

bere desirara zeramaten bideak

triminduak aurkitu eta atzera altxatu nahi

zituena gorputzean eta gorputzetik — atzerritar

bilakatua zela bere azalean. Astetan aritu

ginen azalaz gorputzaz plazeraz —

baina — kutxatxo nakaratu bat ostentzen zidan

gure arteko lotura nahikoa sendoa zela sentitu arte

Gauero ia, esan zidan kutxatxoa zabalduz halako

batean, ahoa txiki, gauero ia amarekin amesten dut

eta ametsetan elkarrekin oheratzen gara eta

elkarri alua jaten diogu eta amarekin ez denean

nire ahizpekin da eta ez dut lotara joan

nahi

Iluntzero-iluntzero ohera sartzean erregu edo errezo

antzeko errituala ontzen zuen — alferrik

                                   gaur ez dut

ametsik egin nahi, arren, gaur ez, ez amarekin,

ez ahizpekin, faborez, ama ez dadila gorpuztu ez

daitezela haragitu ahizpak, mesedez

amarekin ez ametsik ez amarekin ez

ahizpekin ez ametsik ez amarekin

amarekin