GRABITATEA I

Ez da egunsentirik

Eguzkia ez da inora irteten

ezeren atzetik

eguna ez da hasten

argia ez da argia

lurra ez da Lurra

espazioa ez da Espazioa

iluntasunik ez dago

edertasunik, paisaiarik ez

Izarrak direnik sinetsi duzu, gaixoa?

Gangesik, Coloradoko arroilarik?

Koitadua, materiaren antolaketa

anitzak baino ez dira

zure begiek dakusatena,

kasual eta kausalak,

baldintzen zorian baturiko atomoak

Hezkuntzak engainaturik

zaude sinetsita

zure plazererako daudela hor

o, haragi pentsalari hori