ESANAK

Begiratu batez

pozik bizi zarela

pentsatuko nuke

beti egongo dela

zure beharretan

borroka galduren bat

hala ere,

ezin egiaztatu

zure ezorduaren lorratza

eta ezin

asmakizunetan hasi

baina zuk esan zenidan

ahaztu gabe ezin ginela bizi

eta oroiminez hil gintezkeela

ostendu ezinezko galderak

ditugula erantzuteko oraino,

iparra galduagatik

ezagutzen zenuela bidea,

are gaueko loezinetik

ere salbatuko ninduzula

hori guztia eta gehiago

esan zenidan

zure besarkada bat baino

ez nuen behar ordea.