ILEORDEA

Onkologikotik bueltan hasi zen dena,

ea ilea berak moztu nahi zuen

edo laguntzea nahi zuen galdetu ziotenean.

Behin eta berriz gogoratzen zigun

ileorde naturala edo sintetikoa

nahi zuen iradoki ziotenean

sentitu zuen herra edo errua

—biak batera nahasian—.

Ez zuen ispilurik nahi etxean.

Gauerdian esna gelditzen hasi zen

eta gauak gero eta luzeagoak ziren.

Amak txakur txiki bat oparitu zion

konpainia egiteko.

Orraztu aurretik ilea

belarrien atzean eman behar zuela

aholkatu zuten egun berean

hasi zen kalera ateratzen

inori azalpenik eman beharrik gabe

konfiantzaz kaoba koloreko

ileorde sintetikoa jantzi

eta beste norbaiten azalean

sartzen aldiro.