GARAI HAUEK NON

Hastapenean

mundua aldatu

nahi genuen,

baina azkenean

munduak berak aldatu

gaitu nahi baino

lehenago.

Garai hauetan non

hautu bat egiteak bere

ondorioak dakartzan,

ez egiteak bezain.

Non larrialdi irteerarik gabe

bizitza zaurgarriak besarkatzen

ditugun.

Inoiz ez den berandu

odol gaiztoa egiteko

edo begiak ixteko.

Non zaputzak hartuta

dena aldatuko delakoan

oker gauden.

Ez pentsa,

bihar ere ez gara ziurrenik

zoriontsuago izango.