LEIHO HEGIAN

Egun berriari

so naizela

farozaina diosal

egiten ikusi dut itsasargitik

laboraria galsoroa goldatzen

John Deere traktorearekin

enarek nire aire espazioa

urratzen dute tai gabe

uztail arratsalde errea da,

jendea pasieran itsasertzetik

txalo eta musika hotsak

heldu dira Roger Lanzac zirkutik

haurrak gola ospatzen

futbol zelaian

ama alargunduari

bisita egin dio semeak

lorategiko belarra moztu

dio desbrozadora batekin

eta udaberri usaina

hedatu da auzogunean

begia zorroztu dut

haragora

auzoaren txakurrak

zaunk egin du

Wiski katu desagertuaren afixa

eman du farolan Ainesek

zeru kaotikoan ez da momentuz

gerra hegazkinik ageri.

Zelatan nago

nire leiho hegian

etsaia agertzen delarik

abisu emateko.