ERLATIBISMOA

Barbakoa egitea

eta erretzea

debekaturik zeuden

garaiak ziren.

Ahoz aho

zabaldu zuten

beldurraren mintzoa

eta gogoan dut oraino:

sakelako edizio txikietan

ikasi genuen ezpainka egiten

hipermerkatuan erositako

telebista berriak

betiko albiste zaharrak ematen zituen

geure egunerokotasun soraiotik

behatzen genuen

munduaren bira

eta bizi genuen errealitate objektiboari

gure idealismo absolutua

ekarri genion.

Emozioen ibaiertzetik behera

egiten genuen

asteburuetan

baina denborak (edo adinak) dena

erlatibizatzen erakutsi zigun.