BEZEROA

Urteko merkealdian

errazegi saltzen da

amets egiteko gai ez den

jendearen lan indarra.

Larrialdi sasoietarako telekronikak

ugaritu diren garaiotan

ez da inor entzuten

sos deialdien bestaldean.

Egia urratuen kastinerako

izen-emateak zabalik daude

atzodanik.

Pantailarekin begiak lausotuta

kobazulo digitaletik irten naiz

Chez Valentin ostatura egiteko

gau zaharminduan,

norbaitek etsi-etsian

ideiak alda diezazkidan.

Ardo merkearekin horditzen den

betiko bezero langabetua baino

ez dut aurkitu zurezko mostradorean:

-ez bozka Macron

-ez bozka Macron

errepikatzen duela.