ITSASGORAN

Abadiako bunkerraren gaineko

Haize Arrosak erakusten dit

ipar haizearen norabidea.

Inoiz ez dut izan ausardiarik

norantza berria hartzeko

baina itxaroteak zentzua badu

maiteago zaitut itsasgorak

hurbiltzen zaituen heinean,

nire oroimen episodikora

itzultzen zarenean.

Begirada ahaztuak metatuz

eskuzabal egin nahi nuke

etorkizunerantz.

Zure ortzimuga behar dut aurkitu

nire hegoak zabal ditzadan.