FAITS DIVERS

Film batean legez

urpekari bat atera da hondarrera,

gero beste bat.

Hondartza hustu du poliziak.

Argi urdinak ikusten dira,

su-hiltzaileen sirena hotsak entzuten,

segurtasun zibileko helikopteroa,

larria ematen du egoerak.

Segurtasun perimetroa ezarri dute.

Amak haurra hartu du beso batean,

bestean jostailuz betetako poltsa,

lehortzeko betarik gabe kanporatu dute neska bat,

gizon batek txakurra lotu behar izan du

eta la cabane à crêpes etxola itxi du jabeak.

Enbata iristear da, esan du udatiarrak

baina ez

Hirugarren Mundu Gerran lehertu gabe

gelditu den bonba bat aurkitu dute

Zokoako hondartzan.