AMETS GAIZTOA

Pentsatzekoa zen esnaera txarra izango nuela.

Ondo lo egiteko ezinbestekoa ei da

erritual bat errespetatzea,

alkohola, nikotina, kafeina ekiditea,

estresarekin amaitzea.

Baina horrezaz gain

izenda daitekeen guztia izendatu

beharko nuela esan zenidan,

errezeloak ez gordetzeko luzaroan,

etxetik irten eta airea hartzeko,

beldurrari beldurra galdu behar niola,

ez egoteko atezuan etengabe,

telebista ez begiratzeko larregi,

lagunengana egiteko sin falta

eta abar.

Alferrik ordea.

Saguzar nanoek

zintzilik segitzen dute nire imajinarioan.