ARROTZ

Aspaldion

arrotz nabil

neure kautan

ez dut etxetik

ateratzeko asmorik,

hozkailuan lau jogurt

kadukatu eta

Heineken botilak

garbigailuan laneko arropak

zentrifugatzen

eta zerumugan

euria zarra-zarra.

Ispilua begiratu dut

eta ez dut inor ikusi nire atzean,

bizarra egin gabe nago,

ez naiz neure baitakoa

eta moldakaitz nabil

neure bakartasun

inarrosian,

hasperenka etengabean.

Gorputzetik mintzo naiz,

galeraren haize begitik eta

biziminez ahokatzen ditut

aspaldiko berba hutsalak.

Gaur munduarekin haserre egoteko

nire modua da.

Telebista itzali

eta musika ipini dut.

Pettiren txoria dakusat

leihoan kantari.

Hauskorregia da nire esperantza

botila baten barruan sartu eta

inori bidaltzeko.