NORAEZ

Pentsatu nahi nuke

aldiro berritzen direla

bularrean ditugun

bulkadak.

Ongi itxi gabeko

iraganak ireki

badaitezke ere,

etsiak hartu gabe

luzatuko dugula pausoa.

Ezen ez nuke

itsumustuan albo kalterik

eragin nahi jada

aski suntsituak diren

ilusio zaharren gainean.

Bizimolde jite

honek erabateko

alderraian garamatzanean.

Zer gerta ere

abisu eman

nahi dizut.