EKOANTSIETATEA

Jendea eguraldiaz mintzo da

argiunea noiz agertuko zain

eta denon ahotan dabil

mundu honen jirabira eroa.

Laino beltzak omen datoz

etorkizunerantz

mehatxu nuklearra

eta berotegi globala

galdutako borroken kronikak

irakurri ditut

biharra ziurta dezakeen

aldebiko keinuen arrastorik ez inondik.

Semearen txikitako dinosauroak

ikusi ditut apalean

eta seigarren suntsipen masiboak ez duela

urrun behar otu zait.