DEI GALDUA

Behin baino gehiagotan

esan zenidan, badakit

zerbaiten kontra baino

hobe zela beti zerbaiten alde egitea.

Ez zenuela nire izena

gehiago inbokatuko

ez dadin alferrik

galdutako beste belaunaldi

bat izan nirea.

Inauterietan ikurrin beltz bat

ezarri behar genuela

Ziburuko Bordagaineko talaian.

Aspaldiko kontuak dira

eta sinetsi nahi nizuke.

Patrikan dei galdua dut ordea

erbesteratuak izan ginen

paradisutik egina.