ESAN BEZALA

Agian —zergatik ez?—,

izan ninteke hitzekoagoa

idealistagoa —batzuetan—

errealistagoa —bestetan—

egunen arabera izan ninteke

— ziur— baikorragoa edo ezkorragoa

izan ninteke

—baliteke— ausartagoa ere

gorrotagarriagoa

edo —segun eta noiz— maitagarriagoa

baina agian izan ninteke

zure ibilian den bidea ere —imajinatu—

dei larri baten mugan

—oraintxe bertan— luzatutako esku urduria

azala ebakitzen

duen zauria —zentzu figuratiboan—

kopetako izerdia

edo argi zirrintaren haustura —sinbolikoki hitz eginda—

pentsatzen jarrita —horratx— izan ninteke

zure bihozminaren azken erregua ere.