La notte di San Giovanni

Li fantatis a van crotis ta l’ort, / la luna di San Zuan a li monda. / Sot dal milussar a si pognin crotis / vuardant li stelis spierdudis e il nul. // Mondini, rosada di San Zuan! / a ciantussèin plan plan li fantatis / pognetis sot dal milussar neri neri: / la Cuarnussa, la Piela, la Batistona. // Se bielis ches fantatis, ches stroligutis! / Il grin dut mol di rosada / al brila coma la nèif, a la luna di Zùin. / Intant i fantàs a ciantin… ju par un mond lontàn.