Dansa di Narcìs (II)

Jo i soj na viola e un aunàr, / il scur e il pàlit ta la ciar. // I olmi cu’l me vuli legri / l’aunàr dal me stomi amàr / e dai me ris ch’a lusin pegris / in tal soreli dal seàl. // Jo i soj na viola e un aunàr, / il neri e il rosa ta la ciar. // E i vuardi la viola ch’a lus / greva e dolisiosa tal clar / da la me siera di vilùt / sot da l’ombrena di un moràr. // Jo i soj na viola e un aunàr, / il sec e il mòrbit ta la ciar. // La viola a intorgolèa il so lun / tìnar tai flancs durs da l’aunàr / e a si spièglin ta l’azùr fun / da l’aga dal me còur avàr. // Jo i soj na viola e un aunàr, / il frèit e il clìpit ta la ciar.