Ben Bulben mendiaren oinean

Irlandar poetok, ikasi zuen lanbidea,

kantatu ongi eginik dagoen oro,

utzi alde batera orain garatzen ari den hori,

erabat itxuragabea goitik beheraino,

saihestu halako bihotz eta buru ahanzkorrak,

sasiko emaitzak sasiko ohetik sortuak.

Kantatu nekazariari, eta ondoren

landa-eremuko zaldun zailduei,

fraideen santutasunari, eta gero

garagardo beltz edaleen barre umoretsuari.

Kantatu jaun eta andere alaiei,

buztinean hondoratu baitituzte

zazpi mende heroikotan zehar,

jarri gogamena beste garai batean;

beharbada datozen garaietan oraindik

irlandar menderaezin izaten jarraituko dute.