Arrantzale zaharraren gogoeta

Olatuok, nire oinekin dantzan haurrak jolasean bezala

bazabiltzate ere, nahiz eta distiraz begira zaudeten,

nahiz eta urrumaka eta jauzika ari zareten,

alaiagoak zineten une hauek baino ekain epelago haietan,

orduan haurra bainintzen, bihotzean arraildurarik gabea.

Ez dabil sardinzarrik itsasaldietan

aspaldi hartan bezala, hau tristura!;

orduan saskiak kirrik ugari ateratzen zuen organ

Sligo hirira arrain saltzera zeramatenean,

orduan haurra bainintzen, bihotzean arraildurarik gabea.

Eta, oi, ez zara ez, birjina burgoi hori,

orduko haiek hondartzako sare artean

—arrats beheran arraunak ura txaplakatzen zuen unean—

paseatuz ageri ziren bezain eder eta aparta,

orduan haurra bainintzen, bihotzean arraildurarik gabea.