Zeruko konstelazioen parte zeneko
iragan-handitasuna gogoan

Gazteen Herrialdeko garagardoa edan dut

eta orain negarrez nago, gauzak oro baitakizkit:

izan naiz hurritz, eta nire hosto gorenetatik

Hartz Nagusia eta Iparrizarra zintzilik egon ziren

denbora hura oroimenetik harago doakit;

bihurtu nintzen zaldiek zanpaturiko ihi,

bihurtu nintzen gizaki, haizeen etsai;

gauza guztietatik hara, ezagutu nuen bat, bakartia,

bere burua ezin etzan zuena emakume maitearen bularrean,

ezin ezpainak ipini haren adatsean, hil arteraino.

Oi, basamortuko piztia, aireko txori hori,

zure maite-garrasiak jasan behar ote ditut ba?