Munduko arrosa

Nork amestu ote zuen edertasuna amets baten pare

igarotzen dela? Ezpain gorri horietan zehar, tristura handios

hori eta guzti­ —tristura, bai, ez baitzaie ezer zoragarririk

gertatu—, Troia igaro zen hileta-distira latza zeriola,

eta Usnaren semeak hil egin ziren.

Gu eta mundu lanpetu hau bagoaz joan,

ur zurbila neguko ibileran bezala, zalantzati,

amore emandako giza arimen artean

bizirik irauten du aurpegi bakarti honek

izar uxoen eta zeruko bitsaren pean.

Makurtu, goiaingeruok, zuen egoitza ilunean;

zuek izan baino lehen eta

ezein bihotz taupaka hasi baino lehen,

hura bere jargoian zegoen unaturik eta amultsu;

belar-bide bihurtu zuen mundua oin alderraientzat.