Maitalea bere bihotzeko arrosaz mintzo

Gauza desatsegin eta puskatuek oro,

gauza maiztu eta zaharkituek oro

—haurraren negarra bide ertzean,

orga zamatsu baten kirrinka,

goldelariaren urrats astunak

neguko lizuna zanpatuz—

horiek guztiek zure irudia desitxuratzen dute

bihotz-hondoan arrosa bat ernearazten didanean.

Gauza desitxuratuen kaltea

kalte handiegia da, adierazezina;

gauza horiek berriro osatu eta urruneko

muino batean esertzeko irrikaz nago,

lurra berregin, zerua eta ura berregin,

urrezko kutxatila baten antzera,

hantxe gordetzeko zure irudiaren amets nireak,

bihotz barruan arrosa ernearazten didatenak.