Erretiratu zahar baten auhena

Nahiz eta orain zuhaitz hautsi baten

pean babesten naizen euritik,

aspaldi, denborak itxuraldatu baino lehen,

nire aulkia gertuago zegoen sutatik,

maitasunaz eta politikaz

mintzo zen jendearen konpainian.

Nahiz eta gazteek berriro makilak zorroztu

matxinadaren baterako

eta doilor zoro horiek amorratu

giza tiraniaren kontra,

itxuraldatu nauen denboraz

baino ez naiz jardungo.

Ez dago emakumerik aurpegia jiratuko duenik

zuhaitz hautsi bati begiratzeko,

eta, hala ere, nire memorian daude

maite izan nituen eder haiek.

Itxuraldatu nauen denborari

tu egiten diot aurpegira.