Irlandar hegazkinlari batek
bere heriotza iragartzen du

Badakit neure patuarekin topo egingo dudala

goiko hodeien artean, non edo han;

borroka egiten diedanak ez ditut gorroto,

babesten ditudanak ez ditut maite,

nire herrialdea Kiltartango Bidegurutzea da,

nire herrikideak, Kiltartango behartsuak,

inolako eraldaketak ez die ezer kenduko,

ez ditu halaber lehen baino zoriontsuago bihurtuko.

Ez legeak, ez betebeharrak, ez ninduen eraman borrokara,

ez gizaki publiko bihurtzeak, ez jendetzaren txaloak;

irrika bakarti atsegin batek

ekarri ninduen hodei arteko anabasa honetara;

dena orekaturik dakart oroimenera,

zetozen urteak alferrik galduak izango zirela zirudien,

iragan urteak, berriz, arnasa galtze hutsa;

bizitza hau orekatuz, heriotza hau.