17. INFINITU TATTOOAK^[10]

(Bozgoragailuetatik entzuten da abestiaren musika. Ilaran jartzen dira itxiera abestia interpretatzeko, musikal handietan egiten den modura. Abestian zehar, hatz txikiarekin eskua luzatuta dantza bat burutuko dute. Gorputz atal batean tatuatuta duen infinitu hautsia, edo hobeto esanda, irekia erakutsiko dio publikoari.)

Hatz txikitik helduta

kudeaketari tiro

hau gara, hemen gaude

maite dugu maite gaituzten aldiro

Infinitu tattooak

opari fin-finak

genesiak, faseak

inoiz ezezagunak, noizbait lagun-minak

Ikusten zaitut zabal ta gardena

ene lekuko, gure totema

saiatzearena

da gure promesarik txikiena

Antza dugu tarteka

perimetro berdinak

elkarren fan zu, fan ni;

organoen konexio ta feelingak

Lagun versus lanegun

ta kafe bat ez da aski

zuekin bizi nahi dut

baina zein fantasia da hori zehazki?

Eeeee!

Ikusten zaitut zabal ta gardena...

(Dibanean elkartuta ematen dio amaiera taldeak. Bihotz baten gainean eseritako lagun talde baten silueta ikusten da. Amaierako agurra. Iluntasuna.)

[10] Abesti hau originala da eta antzezlanerako sortua izan da. Letra Eider Perezek idatzi du taldearen ideietatik abiatuta eta musika konposaketa Paxkal Irigoienena da. Abesti honen grabaketa Asier Renteriaren Noidxe estudioan egin zen, eta aktoreez, eta aipatu ditugun lagunez gain, grabaketan Julen Etxeberri eta Allande Etxeberrik hartu zuten parte bateria eta baxua joaz.