4. SEHASKA-KAMILLA

(Izarapetik atera eta korrika-makina hartzen du eskutan. Ospitaleetako berde kolorea gogoratzen duen txandal retro bat darama soinean. Zabaldu gabe makina esku artean hartu eta eszenaren beste aldera garraiatzen du, zeladoreek ospitaleetako kamillak maneiatzen dituzten moduan. Bitartean, sehaska kanta abesten du.)

Txikitxo polit hori, zu neure laztana,

katigatu ninduzun librea nintzana.

Libreak libre dira, zu ta ni katigu.

Horrek eragiten du sarritan zizpuru.

Zizpuruak zizpuru, zu ta ni katigu.

(Izara artera begiratzen du eta haur bat egongo balitz bezala kulunkatzen du makina. Makinaren gainera igo eta bertan etzaten da altueran, shockean geratu den gorputz gogor baten antzera.)