13. FANTASIA ZIKATRIZATUA

(Argia itzaltzen da. Desireless musikariaren Voyage voyage abestiaren bertsio technoa entzuten da. Ilunpearen erdian, argi gorrizko zapatila batzuk pizten dira, korrika-makinaren gainean. Mamu batek geroz eta azkarrago egiten du saltaka. Lehenik lekuan bertan, ondoren inguru osoan zehar. Argi gorrien mugimendu azkarrek efektu bisualak sortzen dituzte, publikoaren zentzumenekin jolastuz formek sortutako irudiak osatzeko. Argi gorrizko uhinak eta infinituak. Gorputzik gabeko abiaduraren ilusioa.

Ibilitakoa azken aldiz eta patxadaz begiratzen du. Erresistentziaren gorputza agurtu, eta ilunpetan, alde egiten du.)