PROMESARIK TXIKIENA

      Promesarik txikiena eszena gainean lagun talde bat jartzeko beharretik sortutako proiektua da. Eta zenbat dira horiek? Ba esan genuen: lau. Lauren artean komunitate bat ager daiteke, edo alde biko gerra bat, edota gehiengo eta gutxiengo bat. 2-2, 4-0, 1-3, 3-1, 2-1-1, 1-1-1-1, 0-4. Promesa berdina egin diegu lagun guztiei antzezlanarekin dagoeneko bidetxoa egina genuen, eta proiektua harago eramateko gogoz batu ziren bi kide berri. Maiana Etxeberri Keufterian aktore laukotea osatzeko Intza, Ane, eta Maiterekin batera. Edurne Azkarate, berriz, zuzendaritza taldera batu zen Matxalen eta Maiterekin batera.

      Kontua da proiektu honen helburuetako bat lagunarte irekiak sortzea izan dela. Arte eszenikoetan ere bai. Eta bidean, lagunak batzen joan zaizkigula. 2023ko egonaldi hartakoak ahaztu gabe, Azala inguratzen duen Tuyoko basoetan hasi genuen sormen bidea lan talde zabalagoarekin 2024ko abenduan. Luhusoko Harrixuritik pasa ginen ondoren. Geuretik Sortuak-en bitartez, Leitza eta Berastegiko herrietan eta herritarrekin josi dugu sormen prozesua. Lagunarte bat sortzen joan gara bidean, eta noski, lagunarte oro bezala, gure taldea ere dramatikoa izan da. Beraz, morbo pixka bat gehitzearren, taldearen ibilbidea eta sormena nahasita daudela zin egiten dizugu.

Antzezlan hau Berastegiko herrian eskaini genuen lehen aldiz, 2025eko urriaren 26an. Eta, ondoren, 2026ko urtarrilaren 9an Leitzako Herri Aretoan.

Lantaldea

Ideia eta ekoizpena: Infinitudrama.

Aktore sortzaileak: Intza Alkain, Ane Garcia Lopez, Maiana Etxeberri Keufterian, Maite Aizpurua Olaizola.

Zuzendaritza: Matxalen de Pedro Larrea, Maite Aizpurua Olaizola.

Zuzendari laguntzailea: Edurne Azkarate.

Testua: Talde sortzailea, Eider Perez.

Eszenografia: Talde sortzailea, atx teatroa.

Argiztapena: Arantza Flores.

Jantziak: Idoia Beratarbide.

Soinu espazioa: Asier Renteria.

“Infinitu tattooak” abestia: Eider Perez (letra), Paxkal Irigoien (konposizioa).

Musika kolaborazioak: Allande Etxeberri, Julen Etxeberri.

Argazkiak eta teaserra: Maitane Campos.

Irudiaren diseinua: Jone Zubizarreta.

Argi teknikaria: Beñat Gorroño.

Soinu teknikaria: Naiara Fernandez.

Ekoizpen laguntzailea: Lara Gil Gorrotxategi.

Tatuatzailea: Lexu Doyague Loiti.

Banaketa: Infinitudrama.

Laguntzaileak: Azala Espazioa, Euskal Hirigune Elkargoa, Harrixuri, Eusko Jaurlaritza, Geuretik Sortuak, Berastegiko Udala, Leitzako Udala, Bastero Kulturgunea, Zumaiako Udala.