Eisuke Takeuchi

Japonia, 1938

itzulpena: Iker Alvarez

 

 

Ahots bat

 

 

Zerbait idazten ari dela ustez

kiribilduta datzanaren eskuari begira jarri orduko

hark begirada altxatu eta burua okerturik irri egin

Deus ere ez lurrean

Harea lau-laua

urrutirantz

hedatzen da, besterik gabe

 

(Ez dagoena

—ez dagoela ere—

besoetan harturik,

harea-itsasoak

argi etena

irensten du)

 

Olatu-oldarrezko begi beltzez

itzuli eta idazketan behar zuenak

norengan

zer ikusi ote

Hemendik igaro

Hemendik harago joan

Atzerantz

Nora

 

“Ez dagoena idatzi du” dioen

ahots bat entzun dut, baina

hitzik ere utzi gabe

desagertu egin da ahotsa eta

bat-batean

harea erori zait