XIV

Orain,

igarpenaren berun urtuarekin

udako itsasoaren dirdirarekin,

bizitzaren biluztasun erabatekoa;

eta iragatea eta gelditzea eta etzatea eta izutzea

ezpainak larru laztandua,

oro erretzen saiatzen da.

Pinuak bezala eguerdian

erretxinak hartua

berehala garra sortzen du

eta jada ez du sufrimena nozitzen—

deiadar egin zien umeei errautsa bildu

eta erein dezaten.

Gertatu zena egoki gertatu zen.

Eta gertatu ez zen hura ere

erre egin behar da

eguerdi honetan eguzkia iltzatu denean

ehun petalodun arrosaren bihotzean.