Zeinek esan zuen erraza izango zela

Sustrai ugariak ditu amorruaren zuhaitzak

eta batzuetan adarrak hausten dira

fruituak eman aurretik ere.

Nedicks-en eserita

andreak ziztuan doaz, manifestatu aurretik

beren burua askatzeko kontratatzen dituzten

neskato gatazkatsuak hizpide.

Ia zuria den gizon bat igaroan,

neba bat zain, emakumeak zerbitzatzeko lehenik

eta andreek, jabetu gabe, ez diote uko egin

beren esklabotzaren plazer arinagoei.

Baina nik neuk, ispiluak lotua,

eta baita oheak ere,

kausak ikusten ditut kolorean

baina baita sexuan ere.

Eta hemen eserita hausnarrean nabil

nire buruetako zeinek biziraungo duen

askapen hauen guztien ondorenean.