Poesia kaiera
Audre Lorde
itzulpena: Danele Sarriugarte
Poesia kaiera
Audre Lorde
itzulpena: Danele Sarriugarte
2016, poesia
64 orrialde
978-84-92468-82-9
Audre Lorde
1934-1992
 
 

 

Zuetako bakoitzari

 

Izan zaitez zarena eta izango zarena

ikasi maitatzen

gidatzen zaituen Aingeru Beltz zaratatsua,

egun batean gorantz, hurrengoan beherantz

zure boterearen iturburua babestuz

odol beroa bezala jariatzen da

zeure mina ernatzen den

toki beretik.

 

Gose zarenean

ikasi jaten

hurrengo goizera arte

sostengatuko zaituen hori

baina ez endredatu xehetasunekin

bizi dituzulako soilik.

 

Ez utzi zure buruari

zure eskuak ezeztatzen

ezta zure begiak

ezta zure bihotza

ezta horietan barrena pasatu den edozer gauzaren oroitzapena ere

oro erabil daiteke

salbu eta zaborretarako dena

(hori oroitu behar duzu

suntsitzaile izatea leporatzen dizutenean).

Arriskutsuak badira ere, aztertu gorroto dituzun makina horien

bihotza

bazter utzi aurretik

eta sekula ez deitoratu haien botererik eza

ea azkenean

berauek askatzera zigortuko zaituzten.

Ez baduzu gorrotatzen ikasten,

ez zara sekula nahikoa bakarrik egongo

aise

maitatzeko

ezta ere, beti ausarta izango;

baina hori, bestela ere, ez da sekula erraza.

Ez itxuratu sinesmen komenigarriak

zuzenak izan arren

ezin izango duzu zure hiria defendatu

garrasika ari zarelarik.

 

Gogoan izan ametsetatik datorkizun

oinaze oro

baina ez bilatu jainko berririk

itsasoan

ezta ostadarrean ere.

Maitatzen duzunero

maitatu sakon

betiko balitz bezala

deus ez den arren

eternala.

 

Harro mintzatu zure haurrei,

topatzen dituzun toki orotan

esan:

esklaboen ondorengoa zara

eta zure ama

printzesa bat

iluntasunean.

 

For each of you

Be who you are and will be / learn to cherish / that boisterous Black Angel that drives you / up one day and down another / protecting the place where your power rises / running like hot blood / from the same sourse / as you pain. // When you are hungry / learn to eat / whatever sustains you / until morning / but do not misled by details / simply because you live them. // Do not let your head deny / your hands / any memory of what passes through them / not your eyes / nor your heart / everything can be used / except what is wasteful / (you will need / to remember this when you are accused of destruction.) / Even when they are dangerous examine the heart of those machines you hate / before you discard them / and never mourn the lack of their power / lest you be condemned / to relieve them. / If you do not learn to hate / you will never be lonely / enough / to love easily / nor will you always be brave / although it does not grow any easier // Do not pretend to convenient beliefs / even when they are righteous / you will never be able to defend your city / while shouting. // Remember whatever pain you bring back / from your dreaming / but do not look for new gods / in the sea / nor in any part of a rainbow / Each time you love / love as deeply as if were / forever / only nothing is / eternal. // Speak proudly to your children / where ever you may find them / tell them / you are offspring of slaves / and your mother was / a princess / in darkness.