ERREKA MAMUEN ANTZERA

badira hiri honen azpitik doazen errekak,

euri tanta, eguzki izpi, haize laztan barik zigortuak,

etxe multzo berriek zein kale eta etorbideen luzapenek

estolderia bihurtu zituztenak,

ez haltzik ez sasirik ez zozorik ez igelik

ilunpe eternalean dauden erreka mamu horietan barrena

no man's land

no man's water

no man's sky

eta gure begiradetatik ezabatuak badira ere

egon badaude

horrelakoak dira zainak

horrelakoak ere egiak