RAQUEIROS

enbata itzeleko gau beldurgarrietan

zezen-behiei adarretan suzko zuziak jarri

eta itsaslabarren gaineko zelaietatik

xaxatu egiten zituzten garrasika eta joka

hondoratuak ez izateko borrokan

olatu zakarren artean zebiltzan ontziek

porturen bateko argiak ikusi uste zituzten,

infernu ilun hartatik bizirik ateratzeko aukera

argien amarru aldera zuzenduko zen lema,

eta harkaitzen kontra txikituko zen guztia:

gila, kabinak, belak, arraunak, masta...

eta goizean, karga sakabanatua lehorrekoentzat

raqueiros izeneko lapur haiek datozkit gogora

mass mediaren marrazo mozorrotuen aurrean