ERREKAN

Lehen bat neukan. Bi orain.

Sardexka batekin txukundu dut adatsa

errekan bainatu naiz

amamaren alkandora bat daukat jantzita.

Beste ileak baino laburragoak dira

eskuineko begiaren gainean.

Ezin dut ezer txarrik pentsatu,

eder sentitu naiz. Ederrago.

Eta sardexka horrekin berarekin bazkaldu dut

inoizko ondoen. Inoizko lasaien.

Ile guztia zurituko zaidalako pentsamenduarekin.

Batzuetan aski da

gehiegi ez pentsatzearekin.