BAKEAREN LIRIOA

Nire gauzen bila itzuli naiz

poltsa batean zenituen prest

mesanotxeko liburua

etxeko zapatilak eta kuleroak

galtzerdiak eta hortzetako eskuila

ez. Beste liburuak landareak eta

argazkiak ere ez

begiak itxi ditut

nire hortzetako eskuila botatzen

irudikatu zaitudanean

“zer moduz dauz landariek?”

galdetu dizut leihope hutsari begira

“ni bezala” esan didazu

biolentoagoa zatekeen

“gure artekoa bezala” esatea.

Ez da landare bat hiltzen didazun

lehen aldia.