NIK ERE EZ DAKIT

Jakingo banu ez nizueke esango

baina ez dakit

ez dakit zergatik jaikitzen naizen

joan zaretela entzuten dudanean

mahaian utzi duzuen kafe hondarra

itxi ez duzuen hortzetako pasta

ordezkatu ez duzuen komuneko paperaren kartoitxoa

hor daudelako madarikatzen zaituztet

gorroto dut bizikidetza

negar eginarazten dit batzuetan

ez naiz lotsa.

Betiko joaten zaretenean

poema nostalgikoak egingo ditut

orain gorroto ditudan gauza guztiekin.