PASEALEKU BERRIAN

Idea Vilariñoren Itsasoa poemari
lapurtutako berbekin
(Garazi Arrularen itzulpena)

Aparkatu dut autoa korrika

itsasoa ikusi ez dudan beste egun bat

amodioa, amets, guruinak, bulkada

email bat, zazpi dei galdu, afaria ez dago eginda.

Gaua ez da urdina, baizik eta horixka.

Argia itzali dut, baina pertsiana itxi ez.

Zenbat gauez izan ote naiz

etxe bloke ilun bateko leiho hori bakarra.

Oxala itsasondoan aparkatzea balitz

musu batzuk, kresala, olatu bat hanken parera.

Pasealeku hau zer da parking garesti bat ezpada

amodioa, amets, guruinak, bulkada.

Maitaleekin gelditzeko denborarik ere

ez duzun garai honi

gizakien loezin denengatik, arren

amodioa, amets, guruinak, bulkada

emaiozu egunsenti bat

igande haizetsu batez.