[ZUZENDARIARI GUTUNA]

Idazleen Elkarteak bere kezka eta ezinegona adierazi nahi ditu Ibarbiaren atxiloketa eta behin-behineko espetxeratzea direla medio. Sorkuntzarekin eta giza eskubideekin konprometitutako egilea izan da beti, eta duela bi hamarkada baino gehiago bahiketa batean balizko laguntzaile bezala bere erantzukizuna edozein izan zelarik ere (sumarioa sekretupean dago oraindik eta bere abokatuari apenas eman zaion informaziorik), hartu diren badaezpadako neurriak gehiegizkoak direla iritzita hura lehenbailehen libre uztea eskatzen dugu.

Irmoki deitoratzen dugu, halaber, bere ohiko argitaletxea kautelarki ixteko agindua: bere sorreran eta fundazioan izan ziren ustezko irregulartasun ekonomikoek ezin justifika dezakete ehunka liburu argitaratu eta euskal komunitatearen eskuetan jarri dituzten kultur militanteei egindako eraso bidegabea.