APAILATZAILEAREN OHARRA

      Jakina denez, soka luzea ekarri eta iritzi kontrajarri andana sortu zuen Silueta nobelaren argitalpenak. Horren erakusgarri, intereseko iruditu zaigu prentsan, aldizkarietan zein agerkari digital eta blogetan agertutako 31 iruzkinok hemen biltzea.

      Ezabatu egin ditugu hedabidearen izena zein iruzkingilearena, testuinguruak irakurlea sobera ez baldintzatu eta testuetako hausnarketetatik abiatuz atera ditzan soil-soilik bere ondorioak. Kritikari batek beste kritikari bati erantzunez hura aipatzen duen kasuetan, haren izen-deiturak kendu eta inizialak mantendu ditugu.

      Kontrakorik adierazi ezean, ohar guztiak dira apailatzailearenak.