ARRAZOIA

 

 

Zergatik ekin?, galdetzen dizute oin-zolek.

 

Urtxintxaren intziriak bezala,

durduzaz jartzen zaituzte ideiek.

 

Ukitzean, labezomorroek lez

egiten du krak formaren oskolak.

 

Nola komunztatu gau-lorea eta pipia?

 

Metal-ura aterata muinetatik

dualismo lehiakorrak alboratzeko.

 

Betileetan nekea kimutzen zaizu

boligrafo agorra hozkatu bitartean.

 

Ez da inoiz itsasoa agontzen zure apatxen azpian?

 

Hor daukazu, akaso, zergatia.