ERESI BAT BESTE MILIA BATENTZAT

 

 

Deika dauzkat.

Emily Dickinson

 

 

Zein ote da ahoisilaren zoria? Legedia eta azal horia.

Infernuan piztuta dago zuzia: ezkutatu testu guztiak.

Zuri ondra, zuri eresia…

Praxian datza estasia.

Bai giltza-porra lodia aitaren etxeko hobian!

 

Zein ote da amestiaren sasia? Izerdi eztia eta adur gazia.

Lauskitu du ortzia oinazturiak, maitezaputzaren ziriak.

Zuri ondra, zuri eresia…

 Absentzian da esentzia.

Zigortuta belarria, bularra zaizu harria.

 

Zein ote da bakartiaren saria? Tinta beltza eta dolu zuria.

Zerutik jaitsi berri zaizun ogia agudo jango du txoriak.

Zuri ondra, zuri eresia…

Ondo hezien tesia.

Lantzurdak hartu lilia. Heriok kuku, Milia.